Номин Коммуникэйшн

Номин Коммуникэйшн нь мэдээлэл, харилцаа холбоо, веб, сүлжээ, хяналт, аюулгүй байдлын программ хангамж, бүтээгдэхүүн, тоног төхөөрөмжийн нийлүүлэлт, угсралт, суурилуулалт болон засвар үйлчилгээ зэрэг системийн иж бүрэн шийдлийг санал болгогч, үйлчилгээ үзүүлэгч компани юм.

2006 оны 10-р сараас эхлэн бие даан үйл ажиллагаа явуулж буй бөгөөд мэдээлэл, харилцаа холбооны бүтээгдэхүүний нийлүүлэлт худалдааны үндсэн үйл ажиллагаанаас гадна мэдээлэл, технологийн алба, электрон дэлгүүр, борлуулалтын хэлтэс зэрэг нэгжүүдийг өөртөө багтаасан одоогоор нийт 22 албан хаагчтай Номин Холдинг компанийн отгон салбарын нэг.

Мэдээлэл, харилцаа холбооны салбарын хурдтай хөгжил, дэвшлийн энэ үед бид үйлчлүүлэгчиддээ өгч буй гол үнэт зүйл нь цаг хугацаа, болон зардлын хэмнэлт юм. Бид үйлчлүүлэгчийн шаардлага хэрэгцээг тодорхойлж, тохирох шийдлийг санал болгох, бүтээгдэхүүн, тоног төхөөрөмжийг ханган нийлүүлэх, суурилуулалт, тохируулга, засвар, үйлчилгээ үзүүлэх зэрэг бүхий л үүргийг гүйцэтгэх туршлагатай, мэргэшсэн ажилтнуудтай.

Бид HP, Sharp, Hitachi, Logitech, Monel, nComputing, Gigabyte, Samsung, Gateway, Sony, Planet, Panasonic, Promatic, Toshiba, APC, Philips зэрэг мэдээлэл харилцаа холбооны шилдэг брэндүүдийн албан ёсны дистрибьютороор ажилладаг бөгөөд хувилагч, хэвлэгч, олон үйлдэлт систем, проектор, зөөврийн компьютер, цахилгаан баригч зэрэг төрлийн бүтээгдэхүүнүүд болон худалдааны төвийн хяналт, системжүүлэлт, компьютерийн олон хэрэглэгчийн систем зэрэг шинэ технологи, үйлчилгээгээр салбартаа тэргүүлэгч болоод байна.