Номин Электроникс компанийн цахим хуудсанд зочилж буй танд энэ өдрийн мэндийг хүргэе.

Бидний үйл ажиллагаагаа удирдан явуулах зарчим, арга барилын нэгэн үндэс нь хэрэглэгч, үйлчлүүлэгчидтэйгээ ойр байх, эрэлт хэрэгцээ, хүсэл шаардлагыг нь мэдэрч үйл ажиллагаагаа уялдуулах явдал юм. Энэ ч үүднээс үйлчлүүлэгч, хэрэглэгчтэйгээ байнга холбоотой байж, харилцаж байх зорилгоор цахим хуудсынхаа хоёрдахь хувилбарыг бүтээн ажиллуулж байна.

Манай цахим хуудаснаас та Номин Электроникс, Номин Коммуникэйшн, Хэрэглэгчийн төвийн тухай дэлгэрэнгүй мэдээлэлтэй танилцаж болохоос гадна бидэнтэй хамтран ажилладаг түнш байгууллагуудтай танилцаж болно. Хэрэглэгчийн хэсгээс танд санал болгож буй үйлчилгээ, бүтээгдэхүүн болон технологи, шийдлүүдтэй танилцаж, төрөл бүрийн зөвлөгөө, мэдээ, мэдээллийг үзэх боломжтой.

Түүнчлэн монгол улсын тэргүүлэгч бизнесийн байгууллагад ажиллаж, өөрийгөө хөгжүүлж ихийг хийж бүтээх чин хүсэлтэй чадварлаг залуусыг бид хэзээд баяртайгаар хүлээн авах болно. Хэрэв та манай багт орж ажиллахыг хүсвэл ажлын байрны хэсгээр зочилж өөрийн мэдээллийг үлдээгээрэй.

       Танд аз жаргал, сайн сайхан бүхнийг хүсэн ерөөе.

       Номин Электроникс - Сэтгэл ханамжийн сэтгэлт түнш 

       Хүндэтгэсэн,

       Гүйцэтгэх Захирал

       О.Гантулга