Sony фирм хүний инээмсэглэлийг таньж зураг авдаг дижитал камеруудаа танилцууллаа

Дижитал камер илүү ухаалаг болж байна. Эхлээд нүдний улааныг автоматаар арилгадаг болсон, түүний дараа хүний нүүр царайг таньж автоматаар фокусаа тохируулдаг болсон бол одоо таны инээмсэглэлийг таньдаг боллоо. Энэхүү инээмсэглэл таних технологийн тусламжтайгаар  хүмүүс зураг авахуулахад бэлэн болж яг инээмсэглэх агшинд зургийн аппарат автоматаар зураг авч таны зураг үргэлж инээмсэглэл дүүрэн байх болно.

 Sony фирм энэ технологийг өөртөө шингээсэн DSC-T70 (8MPixels, 3x zoom, 3" LCD), DSC-T2 (8MPixels, 3x zoom, 2.7" LCD, 4GB Memory) болон DSC-T200 (8MPixels, 5x zoom, 3.5" LCD) загварын дижитал камерыг зах зээлд гаргаж танилцуулаад байна.   

Smile Shutter хэмээн нэрлэж буй энэхүү технологи нь хүний ам болон нүдний хөдөлгөөнийг мэдэрч ажиллах бөгөөд  шүдээ гарган инээмсэглэх үед илүү мэдрэмтгий ажилладаг. Дээрх 3 загварын дижитал камерууд тун удахгүй Sony фирмийн монгол дахь албан ёсны дистрибьютор Номин Электроникс компанийн салбар дэлгүүрүүдээр худалдаалагдах болно.